إنت يا افندي
د. صلاح الطاهر
شعر بالعامية المصرية
إنت يا افندي ياحُكم مَحلِّي
عايش ازاي والنبي لتقولي
لما اتنين .. ويارب يخلي
طول الشهر ف حسبة ( بِرْمَه)
يحيا سي بِرْمَه وعِيش ياتملِّي
إنت يافندي ياحُكم محلِّي
ــــــــــــــ
إحمد ربك قُول مُتشكر
مكتوب يابني تعيش متعكر
واوعى في حلمك مره تفكَّر
إن لإبنك عندي وظيفه
سوِّي معاشك وامشي مُبكَّر
لو مش عايز قرشي وذلي
إنت يافندي ياحُكم محلِّي